Atzo arratsaldean, Kursaal 9an, Donostia Zinemaldiaren baitan, "Innovative Tools & Business Models" MEDIA deialdia gertutik ezagutzeko topaketa berezia burutu zen. Elhuyarrek, Publikum eta The Audience Project-ekin batera, ikus-entzunezkoen sektorerako tresna eta negozio-eredu berriei buruzko mahai-inguru batean parte hartu zuen.
Elhuyar izan da deialdi honen onuradunetako bat, Aditu plataformarekin, Euskal Herriko lehenengo bikoizketa automatikoko plataformarekin. Adimen artifizialari eta Orai-k garatutako teknologiari esker, Aditu-k honako hauek ahalbidetzen ditu:
- Bideoen eta audioen transkribapenak eta azpitituluak automatikoki sortzeko eta horiek lantzeko aukera eskainiko du.
- Transkribapenak zein azpitituluak automatikoki itzultzeko aukera emango du. Horiek bistaratu eta moldatzeko aukera izango du erabiltzaileak.
- Bikoizketa egiteko aukera emango du. Helburuko ahotsa sortzeko, gainera, hainbat aukera agertuko dira: hizlari bakoitzarentzat ahots bat hautatzekoa (Elhuyarrek aurrez sortutako ahotsak dira), jatorrizko ahotsa imitatzekoa, atzeko audioa mantendu edo kentzekoa…
Aditu ikus-entzunezko ekoizpen eleaniztunerako funtsezko tresna gisa finkatzen da, irisgarritasuna handituz eta enpresentzat, administrazioentzat eta industriarentzat komunikazio-aukera berriak sortuz.