Lantegia Tabakalerako zinema eta ikus-entzunezkoen laborategian egingo da eta zinema independentearen zirkulazio eta erakusketa modu alternatiboetara hurbilketa praktikoa proposatzen du, bereziki zinema-jaialdien eta erakusketa-zentroen zirkuituari erreparatuz.
Ekoizpen independente askorentzat, zinema-jaialdiak, filmotekak, kultur etxeak, areto alternatiboak eta beste erakusketa-gune batzuk funtsezko zirkuitu bihurtu dira publikoak aurkitzeko, sareak sortzeko eta filmen zirkulazioa ohiko banaketa-kanaletatik harago zabaltzeko.
Saioa bereziki bideratuta egongo da tresnak eskaintzera, zuzendari bakoitzak bere filmak ekoizteko moduarekin bat datorren zirkulazio-eskema pentsatu eta zirkulazio hori bere kabuz kudeatu ahal izan dezan. Horretarako, zinema independentearentzat aukera berriak ireki ditzaketen sareak, jaialdiak, kultur guneak eta beste erakusketa-bide batzuk aztertuko dira.
Hitzaldia izena ematen duten pertsona guztiei irekita egongo da. Gainera, proiektu bat garatzen ari diren eta haren zirkulazio-estrategian sakondu nahi dutenek Maui Alenarekin banakako tutoretza bat jasotzeko aukera izango dute. Interesa dutenen artean, sei proiektu hautatuko dira.
Film baten zirkulazioa ez ulertzeko azken urrats gisa, baizik eta haren ibilbidearen eta publikoen eraikuntzaren funtsezko atal gisa pentsatzeko gunea.
- Urriak 5, 16:00-19: 00 - Aurkezpena/hitzaldia
- Urriak 6 - Tutoretzak (aukerakoa)
Izena emateko epemuga: 2026ko irailak 30.