Otsailaren 15ean, 14:45etik aurrera, Europako gazteen baliabideen kontsumo-ohiturei buruzko ekitaldia izango da, European Film Market ekimenaren esparruan antolatutako jardueren barruan.
Nolako eduki mediatikoak dituzte nahiago gazteek? Nola deskubritzen eta kontsumitzen dituzte?
Ikus-entzunezko eduki tradizionalak, hala nola pelikulak eta telesailak, gero eta gehiago lehiatzen dira eduki mota berriekin gazteen arreta erakartzeko; esaterako, bideojoko eta sare sozialekin.
Europako gazteek komunikabideekin lotuta dituzten kontsumo-ohiturak eta zaletasunak ulertzea funtsezkoa da Europako ikus-entzunezko sektorearen egungo eta etorkizuneko lehiakortasunerako, eta aniztasun kulturala sustatzeko.
Europako Batzordeak, orain dela gutxi, inkesta bat egin die EBko belaunaldi guztietako kontsumitzaileei, komunikabideen kontsumo-ohiturei buruz (ikusentzunezkoak barne). Ikerketa horren emaitzen lehenengo aurrerapena eskainiko du saioak, eta, zehazki, gazteengan jarriko du arreta.
European Media Industry Outlooken bigarren edizioan txertatuko dituzte emaitzak. Komunikabideen merkatuari buruzko txosten sakona da hori, eta Batzordeak 2025eko udaberrian argitaratzea aurreikusten du.
Aurkezpenaren ondoren, sektoreko profesionalen talde batek informazio gehiago emango du gazteek komunikabideak kontsumitzeko orduan dituzten ohiturei buruz, eta horrek Europako ikus-entzunezko sektorearentzat dituen ondorioei buruz.