Cannesko Marché du Film 2026ko maiatzaren 12tik 20ra egingo da, eta nazioarteko ikus-entzunezkoen industriarako topagune garrantzitsua izango da berriro ere, Europa Creativa Desk MEDIA Euskadiren parte-hartze aktiboarekin.
Merkatuan zehar, MEDIAko lantaldea bertan egongo da sektoreko profesionalei laguntzeko, Europako laguntza-deialdiak ezagutarazteko, eta Europa osoko proiektuen, ekoiztetxeen eta eragileen artean lankidetza-aukera berriak sustatzeko.
Euskal profesionalen presentzia ere azpimarratu nahi dugu Marché du Filmen. Zuri Goikoetxeak eta Ainhoa Andrakak (Doxa Producciones) Cannes Docs ekimenean parte hartuko dute MEDIA programaren Slate Funding deialdira aurkeztutako 'Altxaliliak' proiektuarekin. Halaber, Tamara García Iglesias (Atekaleun) Goes to Cannes programan izango da 'Las hijas' lanarekin, MEDIA Euskadiko hainbat tailerretatik igaro ondoren.